Awor ta DREAMS tei topa CLAUDIUS PHILIPS & O.R.E.O. den Landhuis Brievengat!

Willemstad – Pa motibu di e resiente desaroyonan rondo di agrupashon musikal TUNE, organisashon di “I LOVE DANCING” ku Claudius Philips & O.R.E.O. , Djasabra 7 di Yüni awor den Landhuis Brievengat, a yega na desishon pa remplasá TUNE pa otro tremendo banda lokal DREAMS. Di e forma aki e organisashon mantené e vibrashon positivo i entusiamo haltu ku tin pa baila Claudius Philips & O.R.E.O. ku ta bèk den Landhuis Brievengat despues di 16 aña.

Notando e interes grandi ku tin pa e fiesta “I LOVE DANCING”, varios agrupashon musikal lokal a aserká e organisashon pa presentá durante di e fiesta. Entre nan e organisashon a papia tambe ku E.R.A., pero debi na un otro kompromiso privá, E.R.A. lo no por tabata tei durante e anochi kompleto pa presentá. Esaki a pone ku despues di un evaluashon, a disidí pa aserká e agrupashon musikal DREAMS.
Mesora DREAMS a konfirmá i kuminsá prepará pa un repertorio spesial pa e gran anochi aki kaminda nan lo bolbe topa Claudius Philips & O.R.E.O. despues di 3 aña. Kontrali na e okashon promé kaminda tabatin mas banda ku a toka den e fiesta ei, riba Djasabra 7 di Yüni, lo ta solamente e dos agrupashonnan musikal Claudius Philips & O.R.E.O. i DREAMS ku tei deleita e publiko. Pues por spera ku “I LOVE DANCING” tei bira un tremendo anochi di baile, ambiente i bon musika.

Karchinan na Beep Beep RIO, Mensing’s Caminada, Tik Tak Punda, De Heren Café i Pomp Stashon St.Helena ya ta baiendo hopi duru kaba. Pa loke ta VIP lo krea un “Lounge Area” hopi greit pa esnan ku tin nan karchi pa VIP. Por yama 516 55 34 pa e karchinan di VIP. Mester remarká ku karchi pa e sekshon di VIP ta hopi limitá.

E ambiente di “I LOVE DANCING” ku Claudius Philips & O.R.E.O. sigur tin tur ingrediente kaba, pa bira e fiesta di aña den Landhuis Brievengat. Pues prepará pa bo pasa bon durante un anochi inolvodabel, paso ta bailamentu tin!